राष्ट्रिय क्रिकेट टोलीका पूर्वकप्तान पारस खड्का अग्नि ग्रुपको ब्राण्ड एम्बेसडर नियुक्त
काठमाडौं । राष्ट्रिय क्रिकेट टोलीका पूर्वकप्तान पारस खड्का महिन्द्रा एण्ड महिन्द्राको नेपालको लागि आधिकारिक बिक्रेता अग्नि ग्रुपको ब्राण्ड एम्बेसडर नियुक्त भएका छन् ।
अग्नि ग्रुपले बुधबार काठमाडौंमा कार्यक्रम गरी पूर्वकप्तान खड्कालाई ब्रान्ड एम्बेसडर नियुक्त गरेको ग्रुपका कार्यकारी निर्देशक अर्जुन प्रसाद शर्माले जानकारी दिए । खड्कालाई ब्रान्ड एम्बेसडर नियुक्त गरेसँगै अग्नि ग्रुपले ग्लोबल एनसीएपीको पहिलो सेफर च्वाइस अवार्ड विजेता गाडी एक्सयुभी ३०० समेत प्रदान गरेको छ ।
राष्ट्रिय क्रिकेट टोलीका अलराउण्डर खड्काले अग्नि ग्रुपले आफूलाई अग्नि इन्कर्पोरेटेडको ब्राण्ड एम्बेसडर नियुक्त गरेकोमा खुसी व्यक्त गरे । कार्यक्रममा अग्नि ग्रुपका कम्पनी वरिष्ठ निर्देशक तथा सचिव दुर्गा प्रसाद आचार्य र उपनिर्देशक वरदान बस्नेतको समेत उपस्थिति थियो। ।