अन्तर विश्वविद्यालय फुटसल प्रतियोगिता सुरु
काठमाडौं । मदन भण्डारी स्पोर्ट्स एकेडेमीद्वारा आयोजित अन्तर विश्वविद्यालय फुटसल प्रतियोगिता बुधबारदेखि सुरु भएको छ । भत्केकोपुलस्थित धन्वन्तरी फुटसल मैदानमा राष्ट्रिय सभाका अध्यक्ष गणेश तिमल्सिनाले प्रतियोगिताको उद्घाटन गरे ।
उद्घाटन समारोहमा अनेरास्ववियु अध्यक्ष ऐन महर, मदन भण्डारी स्पोर्ट्स एकेडेमीका महासचिव वचन देउजा, सचिव सीता लामालगायतका अनेरास्ववियूका केन्द्रीय नेताहरु, स्पोर्ट्स एकेडेमीका नेताहरुको उपस्थिति रहेकोे थियो । कार्यक्रमको साभापतित्व नारायण घर्ती र संचालन सञ्जय दुवाडीले गरेका थिए । १६ टीमको सहभागितामा पहिलो दिन १० टीम बीचको खेल सम्पन्न भएको छ ।
प्रतियोगिता लिग एण्ड नकाउट खेल हुनेछ । खेल फागुन २ गतेसम्म संचालन हुनेछ । प्रथम हुने टीमलाई नगद १ लाख पुरस्कार सहित ट्रफी मेडल प्रामाणपत्रको व्यवस्था छ भने , द्धितियलाई नगद ५० हजार ट्रफी मेडल र प्रमाणपत्रको व्यवस्था रहेको अखिल नेता भुवन आचार्यले जानकारी दिएका छन् ।