इकुट सोगुटद्वारा ओजिलको हस्ताक्षरित जर्सी हस्तान्तरण

काठमाडौं । फरवार्ड सावित्रा भण्डारीले प्रिमियर लिग आर्सनलका स्टार मेसुट ओजिलको हस्ताक्षरित जर्सी उपहारमा प्राप्त गरेकी छिन् । भारतीय महिला लिग (आईडब्लुएल) मा उच्च प्रदर्शन गरिरहेकी राष्ट्रिय टोली तथा एपिएफकी फरवार्ड सावित्रा भण्डारीले प्रिमियर लिग आर्सनलका स्टार मेसुट ओजिलको हस्ताक्षरित जर्सी उपहारमा प्राप्त गरेकी हुन् ।
गोकुलम केरेला एफसीबाट आइ लिग खेलिरहेकी सावित्रालाई मंगलबारको खेलपछि ओजिलका एजेन्ट इकुट सोगुटले जर्सी हस्तान्तरण गरेका थिए ।

बैंगलोर युनाइटेड फुटबल क्लबलाई गोकुलमले ५–१ ले हराएको खेलपछि उनलाई जर्सी प्रदान गरिएको थियो । उनले त्यो खेलमा एक गोल गरेकी थिइन् । सोगुटल े त्यो खेल हेरेका थिए । जारी लिगमा उनी अहिले सम्म सर्वा्धिक गोलकर्ताको शीर्षस्थानमा छिन् । १३ गोलसहित साविक विजेता टोली सन्ध्या दोस्रो स्थानमा छिन् । गत सिजन सेथुबाट च्याम्पियन बनाउने क्रममा सावित्राले १५ गोल गरेकी थिइन् ।