पाँचौ राष्ट्रिय महिला तथा पुरुष भलिबल प्रतियोगितामा १२ टिमको सहभागिता निश्चित
काठमाडौं । त्रिपुरेश्वरस्थित राखेप कभर्डहलमा नेपाल भलिबल संघको आयोजनामा पाँचौ राष्ट्रिय महिला तथा पुरुष क्लब च्याम्पियनसिप भलिबल प्रतियोगिता हुने भएको छ । प्रतियोगिता माघको पहिलो साताबाट आयोजना हुने भएको हो ।
भलिबल संघको वार्षिक कार्यक्रम अनुसार हुन लागेको प्रतियोगितामा प्रथम हुने टोली दुई लाख, दोस्रो हुने एक लाख र तेस्रो हुने टोलीले ५० हजार नगद पुस्कार प्राप्त गर्ने आयोजकले जानाएको छ । त्यसैगरी प्रतियोगिताको सर्वोत्कृष्ट खेलाडीले महिला तथा पुरुषतर्फ नगद २५(२५ हजार प्राप्त गर्ने छन भने उत्कृष्ट लिब्रो, सर्भर, ब्लकर, लिफ्टर, स्पाइकर र टिम प्रशिक्षकले जनही रु १०(१० हजार नगद प्राप्त गर्ने छन् ।
प्रतियोगिताको लागत खर्च २३ लाख हुने अनुमान गरिएको छ । प्रतियोगितामा विभिन्न जिल्ला र प्रदेश गरी १२ टिमको सहभागिता निश्चित भएको छ । प्रतियोगिता माघ ३ देखि १० गतेसम्म चल्नेछ ।
