जुमानु राईलाई पुरस्कारको पूरा रकम किन नदिएको ?
गणेश थापा, पूर्वअध्यक्ष एन्फा
विभिन्न चरणमा घोषणा भएका पुरस्कार नपाएका खेलाडीहरुले हिजो अखिल नेपाल फुटबल संघ द्वारा खेलाडीहरुलाई पुरस्कार दिएकोमा हार्दिक धन्यवाद दिन चाहन्छु ।
यसै सन्दर्भमा नेपाल सरकारद्वारा नेपालको वर्षभरिको सर्वोत्कृष्ट पुरुष खेलाडीलाई दिने पुरस्कारमा पनि जुमानु राईलाई पूरा रकम नदिएकोमा राष्ट्रिय खेलकुद परिषद र खेलकुद मन्त्रालयको ध्यानाकर्षण गर्न चाहन्छु ।
चाँडोभन्दा चाँडो बाँकी रकम दिनको निमित्त राष्ट्रिय खेलकुद परिषद र खेलकुद मन्त्रालयले यसविषयमा पहल गरोस् महिला राष्ट्रिय खेलाडीलाई पनि पुरस्कार दिने सुरुवात गरेकोमा अखिल नेपाल फुटबल संघ लाई लागि धन्यवाद दिन चाहन्छु ।
आजभन्दा दुई वर्ष अगाडि भुटानमा भएको U 18 प्रतियोगितामा प्रथम स्थान हासिल गरेको नेपाली युवा राष्ट्रिय खेलाडीलाई हालसम्म पनि पुरस्कार नदिएकोमा अखिल नेपाल फुटबल सङ्घको ध्यानाकर्षण गर्न चाहन्छु ।
यी खेलाडीहरुलाई नदिनेको कारण के हो यसबारेमा अखिल नेपाल फुटबल सङ्घको धारणा सार्वजनिक हुनुपर्यो । यसरी विजय भएका खेलाडीहरुलाई अपमानित गर्ने एन्फालाई कुनै अधिकार छैन यसलाई हल्कारुपमा नलिनको निमित्त पनि सुझाव दिन चाहन्छु ।
