नागढुङ्गा–नौबिसे सुरुङमार्ग (फोटोफिचर)

काठमाडौं । प्रधानमन्त्री केपी शर्मा ओलीले निर्माणाधिन नागढुङ्गा–नौबिसे सुरुङमार्गको निरिक्षण गरेका छन् । आइतबार निर्माणाधीनस्थल पुगेर प्रधानमन्त्रीले अवलोकन गरेका हुन् । प्रधानमन्त्री ओलीलाई आयोजनाका कन्सल्टेन्सी कोअर्डिनेटर रमेश प्रसाद कोइरालाले निर्माण कार्यको अवस्थाकाबारेमा जानकारी गराएका थिए ।

उनले अबको १३ महिना भित्र सुरुङ खन्ने कार्यको ब्रेक थ्रु हुने गरी काम भइरहेको जानकारी दिए । नागढुङ्गा सुरुङमार्ग आयोजनाको निर्माण कार्य जापानी कम्पनी हाज्मा–आन्द्रो जेभीले गरिरहेको छ ।

सुरुङमार्ग निर्माणका लागि विकास सहायता कार्यान्वयन महाशाखा र हाज्मा आन्द्रो जेभीबीच २०७६ असोज ६ गते सम्झौता भएको थियो । तर सुरुङ खन्ने काम भने गत पुसदेखि शुरु भएको थियो । दहचोकदेखि सिस्ने खोलासम्म सुरुङको लम्बाई २ दशमलव ६८ किलोमिटर रहेको छ भने चौडाई ९ दशमलव ५ मिटर रहको छ ।