भोक्रेफाटस्थित सेतो पहराबाट ट्रक खस्दा तीन जनाको मृत्यु
नवलपरासी पूर्व । कालीगण्डकी करिडोरमा भिरबाट ट्रक खस्दा तीन जनाको मृत्यु भएको छ । बुधबार बिहान गैंडाकोट नगरपालिकाअन्तर्गत कालीगण्डकी करिडोरको भोक्रेफाटस्थित सेतो पहराबाट करिब २ सय मिटर तल ना ३ ख ५३३९ नम्बरको ट्रक खसेको हो ।
सिमेन्ट बोक्ने ट्रक बुलिङटार गाउँपालिकाको थामबेंसीबाट फर्कँदै गर्दा दुर्घटनामा परेको हो । घटनास्थलमा ३ जना शव भेटिएको गाउँपालिका अध्यक्ष शशिकिरण बस्ताकोटीले जानकारी दिए । मृतकहरुको सनाखत हुन नसकेको प्रहरीले जनाएको छ ।