स्वतन्त्र युवा संगठनद्वारा संविधान संशोधनको खुसीयालीमा दीपावली
काठमाडौं । प्रतिनिधिसभाले शनिवार नेपालको नयाँ नक्शा लागू गर्नेगरी संविधान संसोधन गरेकोमा स्वतन्त्र युवा संगठनले दीपावलीसहित स्वागत गरेको छ । यस्तै संगठनका जिल्ला शाखाहरुले पनि दीपावलीसहित कार्यक्रमहरु गरेका छन् ।
स्वतन्त्र युवा संगठन सिरहाले सिरहा जिल्ला संयोजक दिलिप यादवको नेतृत्वमा कालापानी, लिपुलेक,लिम्पियाधुरा सहितको देशको नक्सा जारी गर्ने ऐतिहासिक कार्यका लागि सरकार, राजनीतिक दलहरु,जनप्रतिनिधिहरुलाई यसरी धन्यवाद प्रकट गरेर दीप प्रज्वलन गर्यो । संगठनका अध्यक्ष विजय थापाले यस्तो कार्य गर्ने सिरहा शाखालाई धेरै धन्यवाद दिँदै सम्पुर्ण नेपालीलाई बधाई ज्ञापन गर्नु भएको छ ।