कालीकोटाको लालीघाट नजिकै कर्णाली नदीमा खसेर टिपर दुर्घटना
सुर्खेत । भारतबाट आएका नेपाली नागरिक बोकेको टिपर कर्णाली करिडोर अन्तरगत कालिकोटको नरहरिनाथ गाउँपालिका–१को लालीघाट नजिकैबाट कर्णाली नदीमा खसेको छ । जितेगडाबाट राष्टकोट नगरपालिकाका ३९ जनालाई बोकेर क्वारेन्टाइनमा लिएर गएको ना ८ ख ५१३३ नम्बरको टिप्पर बुधबार विहान कर्णालीमा खसेको होे ।
कर्णाली प्रदेश प्रहरी कार्यालयका प्रमुख डिआइजी वसन्त पन्तका अनुसार हालसम्म २ जनाको मृत्यु भएको छ। चार जना गम्भीर घाइतेको कर्णाली नदीबाट उद्दार गरिएको छ । घटनास्थलमा प्रहरी निरीक्षकको कमाण्डमा टोली खटिएर उद्दारको काम भइरहेको उनले जानकारी दिएका छन् ।