मिनी ट्रकको ठक्करबाट बालकको मृत्यु
भक्तपुर , भक्तपुर नगरपालिका–९ च्यामासिंहबाट ब्रम्हायणीतर्फ गइरहेको बा३क ३५८८ नम्बरको मिनी ट्रकले ठक्कर दिँदा एक पैदल यात्रीको मृत्यु भएको छ ।
ठक्करबाट भक्तपुर–१० कमलविनायक बस्ने ११ वर्षीय तिलक मकाजूको मृत्यु भएको प्रहरीले जनाएको छ । मिनी ट्रकको ठक्करबाट घाइते भएका मकाजूको जनस्वास्थ्य सेवा केन्द्र भक्तपुरमा उपचार हुन नसकेपछि बी एन्ड बी अस्पताल ग्वार्को ललितपुर लगिएकामा उपचारकै क्रममा गए राति मृत्यु भएको प्रहरीले जानकारी दिएको छ ।
ठक्कर दिने सवारीसाधन र सवारी चालक रोल्पा रुम्तीगढी गाउँपालिका–१ घर भई हाल सूर्यविनायक–१० भातेढिकुर बस्ने २६ वर्षीय सुरेश मगरलाई पक्राउ गरी कारवाही अगाडि बढाइएको प्रहरीले जानकारी दिएको छ ।
