दुर्घटना न्यूनीकरणका लागि चालक बढी जिम्मेवार हुनुपर्छ
काठमाडौं । सवारी दुर्घटना न्यूनीकरणका लागि सवारी चालक र पैदलयात्री आफैं होशियार हुनुपर्नेमा जोड दिइएको छ । प्रेस्टिज मिडिया प्रालिले काठमाडौंमा गरेको कार्यक्रमका सहभागीले सवारी चालकका कारण बढी दुर्घटना हुने गरेकाले दुर्घटना न्यूनीकरणका लागि चालक बढी जिम्मेवार हुनुपर्ने बताएका हुन् ।
कार्यक्रममा पेनस्टार क्लबका अध्यक्ष भुवन आचार्यले मापसे नगरी सवारी चलाउनुपर्ने, गति कम गर्नेलगायतका कुरामा चालकले ध्यान दिनुपर्ने बताए । उनले ट्राफिक नियमको सबैले पालना गर्नुपर्ने बताए । त्यसैगरी पैदलयात्रीले पनि जेब्राक्रसबाट मात्र सडक पार गर्नुपर्नेमा जोड दिए ।
