बाढी पहिरो प्रभावितको उद्दार र बसोबासको व्यवस्था मिलाउन सरकारलाई प्रचण्डको आग्रह
काठमाडौं । नेकपा माओवादीका अध्यक्ष पुष्पकमल दाहाल प्रचण्डले बाढी पहिरो प्रभावितको उद्दार र राहतमा खटिन आह्वान गरेका छन् ।
बुधबार विज्ञप्ति जारी गरी अध्यक्ष प्रचण्डले प्रभावितको उद्दार, उपचार र राहत वितरणमा जुट्न पार्टीका नेता कार्यकर्ता तथा आम समुदायलाई आग्रह गरेका हुन् । उनले बाढीपहिरोमा फसेकाहरुको उद्दार र राहत, घाइतेहरुको निःशुल्क स्वास्थ्योपचार, बिचल्लीमा परेका नागरिकहरुको खानपान र बसोबासको व्यवस्था मिलाउन सरकारसँग विशेष अनुरोध गरेका छन् ।
उनले बाढी पहिरोबाट सबैभन्दा बढी मारमा परेका किसानहरुलाई कृषि सहायता कोष खडा गरी राहत र क्षतिपूर्ति दिलाउन पनि सरकारसँग माग गरेका छन् ।
