कांग्रेसद्वारा थप पाँच जिल्लाको क्रियाशील सदस्यताको सूची सार्वजनिक
काठमाडौं । नेपाली कांग्रेसले थप ५ जिल्लाको क्रियाशील सदस्यताको सूची सार्वजनिक गरेको छ। कांग्रेसले १४ औँ महाधिवेशनको लागि केन्द्रीय क्रियाशील सदस्यता छानबिन समितिले कार्यसम्पन्न गरेका जिल्लाहरुको क्रियाशील सदस्यको नामावली शनिवार पार्टीको वेबसाइटमा प्रकाशित गरेको बताएको छ ।
कांग्रेसले नुवाकोट, धादिङ, चितवन, ललितपुर र अर्घाखाँचीको क्रियाशील सदस्यको नामावली सार्वजनिक गरेको हो। नेपाली कांग्रेस निर्वाचन निर्देशिका २०७८ को दफा १ (ख) बमोजिम नेपाली कांग्रेस केन्द्रीय निर्वाचन समितिले सूची सार्वजनिक गरेको हो।
साथै, सम्बन्धित जिल्लाहरुमा जिल्ला निर्वाचन अधिकृतहरुलाई समेत खटाइसकिएको बताइएको छ । यसअघि बिहीबार र शुक्रवार गरी कांग्रेसले ४८ जिल्लाको क्रियाशील सदस्यताको सूची सार्वजनिक गरिसकेको छ ।