अध्यादेशबाट सरकार चलाउने कांग्रेसको संस्कार होइनः शेखर कोइराला
काठमाडौं । नेपाली कांग्रेसका नेता डा. शेखर कोइरालाले राजनीतिक दल विभाजनसम्बन्धी अध्यादेशको विरोध गरेका छन् । राजनीतिक दल विभाजनसम्बन्धी अध्यादेश ल्याउने निर्णय गरेलगत्तै सामाजिक संजालमार्फत कोइरालाले अध्यादेशबाट राजकाज चलाउने सोचको समर्थन गर्न नसकिने बताएका हुन् ।
उनले भनेका छन्, ‘सरकार सञ्चालनको सुबिधाको लागि राजनीतिक दल सम्बन्धि अध्यादेश ल्याइएको हुनसक्छ तर अध्यादेशवाट राजकाज चलाउने सोचको समर्थन गर्न सकिन्न । सरकारले संसदबाट परिमार्जन र सुधार सहित बजेट पास गर्ने तर्फ सकृयता देखाउनु पर्थ्यो। यो चुक प्रधानमन्त्रीबाट भयो । यो कांग्रेसको संस्कार होइन।’
