ओलीको कदमको प्रतिवाद गरौंः डा. भट्टराई
काठमाडौं । पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओली देशलाई २०४७ सालतिरै फर्काउन लागेकाले त्यसको प्रतिवाद गर्नुपर्ने बताएका छन् ।
बुधबार राति ट्वीट गर्दै भट्टराईले २०४७ तिरै फर्किने ओलीको कदमलाई रोक्न अग्रगमनकारी शक्तिहरूले बेलैमा बुझेर प्रतिवाद गर्नुपर्ने बताएका हुन् ।
उनले भनेका छन्, ‘ओलीको निरन्तर प्रतिगमनकारी हर्कत र हठको श्रोत नेपालको संविधान र संघीय लोकतान्त्रिक गणतन्त्रलाई विविध बाटो/चरणबाट उल्टाएर देशलाई२०४७ तिरै फर्काउने गेमप्लानको अंग हो भने अग्रगमनकारी शक्तिहरूले पनि बेलैमा यसलाई बुझेर प्रतिवाद गर्न नसकेको अपजस इतिहासको कठघरामा उभिएर ब्यहोर्नुपर्ला है !’