बागमती सरकारले कोरोना नियन्त्रण कोषमा छुटयायो ५० करोड रुपैयाँ



हेटौडा । बागमती प्रदेश मन्त्रिपरिषदको सोमबार हेटौडामा बसेको बैठकले कोरोना भाइरसको संक्रमण रोकथाम, नियन्त्रण तथा उपचार कोषमा ४० करोड रुपैया थप्ने निर्णय गरेको छ । आन्तरिक मामिला तथा कानूनमन्त्री शालिकराम जम्कट्टेलका अनुसार १० करोड रुपैयाको कोषलाई अव ५० करोड पुरयाइएको छ ।

प्रदेशका प्रत्यक्ष निर्वाचन तर्फका ६६ वटै निर्वाचन क्षेत्रमा प्रत्यक्ष निर्वाचित प्रदेशसभा सदस्यकोको संयोजकत्वमा समानुपातिक सदस्य,स्थानीय तहका जनप्रतिनिधि,राजनीति दलको प्रतिनिधित्व गराइने अनुगमन समिति बनाउने निर्णय पनि मन्त्रीपरिषद बैठकले गरेको छ ।

प्रदेश मन्त्रिपरिषदको आइतवार बसेको बैठकले कोरोना भाइरस संक्रमण,नियन्त्रण तथा उपचार सहयोग कार्यविधि २०७६ स्वीकृत गरी महानगरपालिकालाई २० लाख रुपैया, उपमहानगरपालिकालाई १५ लाख रुपैया, नगरपालिकालाई १२ लाख रुपैया र गाउँपालिकालाई १० लाख रुपैया सहायत उपलब्ध गराउने निर्णय गरेको आन्तरिक मामिला तथा कानूनमन्त्री शालिकराम जम्कट्टेलले जानकारी दिए ।

मन्त्री जम्कट्टेलका अनुसार जिल्ला विपद व्यवस्थापन समितिलाई पाँच लाख रुपैया पनि सोही कोषबाट उपलब्ध गराउने निर्णय गरिएको छ । सो रकम कोरोना संक्रमण रोकथाम एवं उपचार,आइसोलेसन तथा क्वारेन्टाइन निर्माण,मेडिकल सामग्री खरिद, बिपन्न परिवारलाई राहतका लागि स्थानीय सरकारले खर्च गर्न सक्नेछन् ।
बामगमती प्रदेशले कोभिड १९ को पहिचान रोकथाम,परिक्षण तथा उपचारका लागि १३ वटै जिल्लालाई तयारी अवस्थामा राखेको छ । बागमती प्रदेशमा काठमाडौ बाहेकका जिल्लामा सोमबारसम्म ५४० वटा आइसोलेसन वेड तयार भएका छन् ।

रसुवामा ३५, नुवाकोटमा ९, धादिङमा ३८, दोलखामा ४८, सिन्धुलीमा २३, सिन्धुपाल्चोकमा १७, काभ्रेमा २१, चितवनमा ११३, मकवानपुरमा ६, ललितपुरमा १४६ रामेछापमा ४८ र भक्तपुरमा २५ गरी ५४० आइसोलेसन वेड तयार रहको आन्तरिक मामिला तथा कानून मन्त्रालयले जनाएको छ । ती जिल्लामा ८१ व्टा अस्पताल रहेका छन् । ती १२ वटा जिल्लाले आइसोलेसन कक्ष, स्वास्थ्यकर्मी,सुरक्षाकर्मी र पिपिइ, सरसफाइ र डिस्इन्फेक्सन सम्बन्धी सामान प्रदेश र संघबाट अपेक्षा गरेका छन् ।

हालसम्म १६८ जना शंकास्पद बिरामीलाई व्यवस्थापन गरिएको सो मन्त्रालयले जनाएको छ । मन्त्रालयका अनुसार धादिङमा २८ जना, काभ्रेमा १० जना, चितवनमा १०८ जना र ललितपुरमा १८ जना शंकास्पद बिरामीलाई व्यवस्थापन गरिएको छ । ती मध्ये ३४ जना शंकास्पद बिरामीको आइतवार व्यवस्थापन गरिएको थियो । काभ्रेमा १४ जना र ललितपुरमा ६ जना कोभिड १९ का शंकास्पद बिरामी रहेका छन् । नुवाकोटमा ५०, सिन्धुलीमा १०५, सिन्धुपाल्चोकमा १२, ललितपुरमा ५५ गरी २२२ वटा परसनल प्रोटेक्टिभ इक्वीप्मेन्ट रहेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
माधव नेपाल एमालेमै फर्किने योगेश भट्टराईको दावी

पोखरा नेकपा एमालेका सचिव योगेश भट्टराईले एमालेबाट विभाजित भएर नेकपा (एकीकृत समाजवादी) पार्टी

राजनीतिक सहमतिका आधारमा बजेट कार्यान्वयन हुन्छः कानुनमन्त्री कार्की

विराटनगर । कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले चालु आर्थिक वर्षका लागि

पाँच दलीय गठबन्धनलाई अझ बलियो बनाउछौंः माधव नेपाल

काठमाडौं । नेकपा (एकीकृत समाजवादी)का अध्यक्ष माधवकुमार नेपालले पाँच दलीय गठबन्धनबीच चुनावसम्म तालमेल

विप्लव नेतृत्वको नेकपाको केन्द्रीय कमिटी बैठक बन्दीपुरमा

तनहुँ । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीको केन्द्रीय कमिटी बैठक आजदेखि