राष्ट्रपति र प्रचण्डद्वारा प्रधानमन्त्रीको मिर्गौला प्रत्यारोपणको सफलताको कामना
काठमाडौं । राष्ट्रपति विद्यादेवी भण्डारीले प्रधानमन्त्री केपी शर्मा ओलीको त्रिभुवन विश्वविद्यालय शिक्षण अस्पताल, महाराजगञ्ज, काठमाडौँमा हुने मिर्गौला प्रत्यारोपणको सफलताको कामना गरेकी छन् ।
उनले मंगलबार अपराह्न ट्वीट गर्दै प्रधानमन्त्रीको शीघ्र स्वास्थ्यलाभको कामना पनि गरेकी छन् । त्यसैगरी नेकपाका अध्इक्ष प्रचण्डले पनि प्रधानमन्त्री केपी शर्मा ओलीको स्वास्थ्यलाभको कामना गरेका छन् । विज्ञप्ती जारी गरी प्रचण्डले दोश्रो पटक हुन लागेको मिर्गौला प्रत्यारोपणको सफलताका साथै शीघ्र स्वास्थ्यलाभको कामना गरेका हुन् । प्रधानमन्त्रीको बुधबार मिर्गौला प्रत्यारोपण गरिँदैछ ।
