अग्नि सापकोटालाई सभामुखको उम्मेदवार बनाएकोमा नेकपा मसालको आपत्ति
नेपाल कम्युनिस्ट पार्टी (मसाल)
केन्द्रीय कार्यालय
वक्तव्य
ने.क.पा. (मसाल)को आजै बसेको केन्द्रीय कार्यालयको बैठकले अग्नीप्रसाद सापकोटालाई सभामुख बनाउने नेकपाको प्रस्तावलाई गलत मानेको छ र त्यसको विरोध गर्ने निर्णय गरेको छ । उनीमाथि ज्यानसम्बन्धी मुद्दाको आरोप छ । सत्ताको दवावका कारणले नै उनीमाथिको त्यो आरोपको उजुरी समेतलाई प्रहरीले दर्ता गरेको छैन । त्यो गम्भीर प्रकारको कानुन उल्लङ्घन हो ।
उक्त विषयमा सर्वोच्च अदालतले समेत त्यससम्बन्धी उजुरीलाई दर्ता गरेर मुद्दा चलाउन आदेश दिएको छ । तर सर्वोच्चको त्यो आदेशको पनि पालन भएको छैन । त्यसरी सर्वोच्चमा परेको रिटको पेसी बारम्बार सरेर त्यससम्बन्धी न्यायोचित कारवाहीलाई पनि अवरुद्ध गर्ने काम गरिएको छ । त्यसप्रकारको पृष्ठभूमिमा अग्नीप्रसाद सापकोटालाई सभामुखको पदमा निर्वाचित गर्ने कार्य गम्भीर प्रकारले गलत छ र हाम्रो पार्टीले त्यसको विरोध गर्दछ ।
२०७६ माघ ११ गते
मोहनविक्रम सिंह
महामन्त्री