प्रचण्डलाई बाबुरामको जवाफः आफैं त महादेव उत्तानो टाँग, कस्लाई दिने वर……?
काठमाडौँ । समाजवादी पार्टीका संघीय परिषद् अध्यक्ष डा. बाबुराम भट्टराईले सत्तारुढ नेकपाका अध्यक्ष पुष्पकमल दाहाल ’प्रचण्ड’लाई प्रधानमन्त्री केपी शर्मा ओलीको पिँजडामा फसेको आरोप लगाएका छन् ।
भट्टराईले ट्वीट गर्दै प्रचण्ड माथि व्यङ्ग्य प्रहार गरेका हुन् । बुधबार खुमलटारमा प्रचण्डले समाजवादी पार्टीमा बाबुराम भट्टराई र अशोक राई निरीह भएर बसेको टिप्पणी गरेका थिए । ट्वीटरमा प्रचण्डका टिप्पणीमाथि जवाफ दिँदै बाबुरामले प्रचण्ड स्वयम् केपी शर्मा ओलीको पिँजडाभित्र छटपटाइरहेको उल्लेख गरेका छन् ।
