भागबन्डाका आधारमा पार्टी चल्न सक्दैनः प्रवक्ता श्रेष्ठ
बागलुङ । नेपाल कम्युनिष्ट पार्टीका प्रवक्ता नारायणकाजी श्रेष्ठले पूर्वएमाले र माओवादी इतिहास भइसकेको भन्दै भागबन्डाका आधारमा पार्टी चल्न नसक्ने बताएका छन् । प्रेस सङ्गठन नेपाल बागलुङ शाखाले आइतबार बागलुङ बजारमा आयोजना गरेको पत्रकार सम्मेलनमा प्रवक्ता श्रेष्ठले सभामुख पूर्वएमाले अथवा पूर्वमाओवादीबाट भन्नेभन्दा सक्षम नेतालाई बनाउने बताएका हुन् ।
उनले अहिले निकै चर्चाको विषय बनेको अमेरिकी सहयोगसम्बन्धी प्रस्ताव मिलेनियम च्यालेन्ज कर्पोरेशन (एमसिसी) राष्ट्रहितमा हुने गरी नेकपाले एकमतले अनुमोदन गर्ने पनि बताए । उनले उपसभामुखको राजीनामा आउनेमा नेकपा ढुक्क रहेको भन्दै संसद्को गतिरोधले छिट्टै निकास पाउने बताए ।