अब घरभाडामा दिने र लिने दुवैको विवरण प्रहरीलाई अनिवार्यरुपमा दिनुपर्ने
काठमाडौं । काठमाडौं उपत्यकालगायत मुलुकका मुख्य सहरी क्षेत्रहरूमा घरभाडामा दिने र लिने दुवैको विवरण प्रहरीलाई दिनुपर्ने भएको छ ।
गृहमन्त्रालयको बैठकले घर भाडामा लिएर विभिन्न व्यक्ति तथा समूहद्वारा आपराधिक गतिविधि, चोरी, डकैती, लुटपाट, बैंकिङ कसुरजस्ता अपराध बढेको भन्दै प्रहरीलाई विवरण बुझाउनुपर्ने निर्णय गरेको हो ।
गृहमन्त्रीका प्रेस सल्लाहकार किरण भट्टराईका अनुसार यो निर्णयले समग्र शान्ति सु–व्यवस्थामा सहयोग पुग्नेछ । उनका अनुसार अब घर भाडामा दिँदा र लिँदा भाडामा बस्ने व्यक्ति, संस्था, कार्यालयको परिचय खुल्ने कागजातसहितको विस्तृत विवरण र छाडेको विवरण पनि प्रहरी कार्यालयमा अनिवार्य बुझाउनुपर्नेछ ।
