भारतले लगायो चिनी निर्यातमा रोक

काठमाडौं । भारतले चिनी निर्यातमा रोक लगाएको छ । आन्तरिक बजारमा चिनीको मूल्इ बढेकोले भारतले निर्यातमा रोक लगाएको हो । भारतले जुन १ देखि अक्टोबर ३१ तारिखसम्म चिनी निर्यातमा रोक लगाउने निर्णय गरेको भारतीय सञ्चारमाध्यमले जनाएका छन् । विदेशमा चिनी निर्यातमा रोक लगाएपछि आन्तरिक मूल्इ नियन्त्रण हुने सरकारको अपेक्षा छ ।

विदेश व्यापार निर्देशनालयले विज्ञप्ति जारी गरी देशभित्रको समस्यालाई मध्यनजर गरी निर्यातमा रोक लगाइएको जनाएको छ । तर चिनी तथा खाद्य वितरण महानिर्देशनालयको विशेष अनुमति लिएर भने चिनीको निर्यात अनुमति दिन सकिने उल्लेख छ । भारतले चिनी निर्यातमा रोक लगाएपछि नेपालमा पनि अभाव हुने देखिएको छ । नेपालमा औसतमा वार्षिक आठ अर्ब रुपैयाँको चिनी आयात हुने गरेको छ ।