पेट्रोल, डिजेल र मट्टितेलको मूल्य बृद्धि, पेट्रोलको मूल्य प्रतिलिटर १७० रुपैयाँ पुग्यो
काठमाडौँ । नेपाल आयल निगमले पेट्रोल, डिजेल र मट्टितेलको मूल्य प्रतिलिटर १० रुपैयाँले बृद्धि गरेको छ । निगमको संचालक समितिको बैठकले शनिबार मध्यरातिदेखि लागू हुनेगरी मूल्य बृद्धि गरेको निगमका प्रवक्ता विनितमणि उपाध्यायले जानकारी दिएका छन् ।
अब पेट्रोलको खुद्रा मूल्य प्रतिलिटर १७० रुपैयाँ पुगेको छ भने डिजेल र मट्टीतेलको मूल्य १५३ रुपैयाँ प्रतिलिटर कायम भएको छ । हाललाई खाना पकाउने एलपी ग्यास र हवाई इन्धनको मूल्य भने यथावत् राखिएको छ ।
