एमालेले बोलायो स्थायी कमिटी बैठक, माधव नेपाललाई ‘धोका’ दिनेहरुपनि सहभागी हुने
काठमाडौं । नेकपा एमालेले स्थायी कमिटी बैठक बोलाएको छ । मंगलबार बिहान ११ बजे बैकठ बस्ने प्रवक्ता प्रदीप ज्ञवालीले जानकारी दिएका छन् । सोमबार पार्टी अध्यक्ष केपी शर्मा ओली निवास बालकोटमा माधव नेपाललाई साथ नदिएका एमालेका दोस्रो पुस्ताका नेताहरुसँगको छलफलपछि बैठक बोलाइएको हो ।
बैठकमा अध्यक्ष ओलीले १० बुँदे कार्यान्वयन गर्न सैद्धान्तिक सहमति जनाएका छन् । नेता सुरेन्द्र पाण्डेले वार्तामा १० बुँदे स्वीकार पहिला नै भइसकेकाले भोलि स्थायी कमिटी बसेर कार्यान्वयनमा लैजाने सहमति भएको जानकारी दिए । त्यसक्रममा दोस्रो पुस्ताका नेताहरुले ओलीले आफ्ना मागहरु सम्बोधन गरे एमालेमै रहने बताएका थिए ।
यस्तै, एमाले प्रवक्ता प्रदीप ज्ञवालीले वार्ता सकारात्मक भएको जानकारी दिए ।उनले १० जना नेताहरु भोलिको बैठकमा सहभागी हुने बताए । उनले भने, ‘यसअघि विभिन्न कारणले बैठकमा सहभागी नभएका कमरेडहरुले १० बुँदे प्रस्तावलाई कार्यावन गर्ने कुरामा जोड दिनुभयो । छलफल सकारात्मक छ र पार्टीका समस्या समाधान हुनेछन् ।’ वार्ताका क्रममा अध्यक्ष ओलीले माधवकुमार नेपालको पार्टीमा नजान आग्रह गरेका बताइएको छ ।