चार्टर्ड विमानमार्फत अफगानिस्तानबाट ११८ नेपाली स्वदेश फिर्ता
काठमाडौं । अफगानिस्तानबाट ११८ जना नेपाली मंगलबार बिहान काठमाडौं आइपुगेका छन् । परराष्ट्र मन्त्रालयकाअनुसार उनीहरुलाई जजिरा एयरलाइन्सबाट कुवेत हुँदै नेपाल ल्याइएको हो ।
उनीहरुलाई विमानस्थलबाट नेपाली सेनाले गोंगबुमा बनाइएको क्वारेन्टाइनमा राख्ने छ । अमेरिकी सेनाको जहाजले कतारको दोहा ल्याएका उनीहरुलाई कतार एयरलाइन्सले काबुलबाट चार्टर उडानमार्फत कुबेत ल्याएको थियो ।
सरकारले अफगानिस्तानमा रहेका नेपालीलाई चाँडै उद्धार गर्ने निर्णय गरिसकेको छ भने त्यसका लागि समिति गठनसमेत गरेको छ । त्यस्तै आगामी साता काबुलमा रहेका नेपाली ल्याउन नेपाल वायु सेवा निगम पठाउने तयारीसमेत गरिएको छ । सोमबार साँझसम्म उद्दारका लागि १३४ नेपाली सम्पर्कमा आएका परराष्ट्र मन्त्रालयले जनाएको छ ।
अफगानिस्तानमा १५ सय नेपाली रहेको अनुमान गरिएको छ । तालिबानले सत्ता कब्जा गरेपछि अहिले अफगानिस्तान छाड्न चाहनेहरुको भीड लागेको छ ।
Arrival of Nepali nationals from Afghanistan has started. 118 of them have arrived at Kathmandu airport by a Chartered aircraft via Kuwait this morning. @PaudyalBR @sewa_lamsal
— MOFA of Nepal 🇳🇵 (@MofaNepal) August 17, 2021