प्रधानमन्त्री कुन पार्टीको हुनुहुन्छ ?
काठमाडौं । नेकपाका सांसद भीम रावलले वर्तमान सरकार कुन पार्टीको हो भन्ने प्रश्न गरेका छन् । आइतबार प्रतिनिधिसभाको बैठकमा सभामुख अग्निप्रसाद सापकोटाले समय दिएपछि सांसद रावलले बैठक अन्य कार्यसूचीमा प्रवेश नगर्ने सहमति भएको भन्दै बैठकलाई श्रद्धाञ्जलीसम्बन्धी कार्यसूचीमा सीमित राख्नुपर्ने तर्क गरेका थिए ।
रावलले अहिलेको सरकार कसको हो भनेर प्रश्न गरेका छन् । उनले वर्तमान प्रधानमन्त्री कुन पार्टीको हो भन्दै प्रश्न गरेका हुन् । उनले भने, ‘वर्तमान प्रधानमन्त्री कुन पार्टीको हो? ‘प्रधानमन्त्री कुन पार्टीको हुनुहुन्छ, त्यसपछिमात्र ती अध्यादेशका बारेमा अघि बढ्नुपर्छ ।’सरकारले वैद्यता गुमाइसकेको रावलले बताए। रावलले बोलेपछि प्रचण्ड–नेपाल पक्षका सांसद हलबाट निस्केका छन्।