निर्वाचनमा जाने निर्णयले मुलुकमा भ्रष्टाचार र गरीबी बढ्छः नेता पौडेल
विराटनगर । नेपाली कांग्रेसका वरिष्ठ नेता रामचन्द्र पौडेलले पार्टीभित्रको झगडाले प्रतिनिधिसभा विघटन गर्नु न्यायसम्मत नभएको बताएका छन् ।
शनिबार विराटनगरमा आयोजित कार्यक्रममा वरिष्ठ नेता पौडेलले पाँच वर्ष चल्नुपर्ने सरकारलाई बीच बाटैमा तुहाएर निर्वाचनमा जाने प्रक्रियाले मुलुकमा भ्रष्टाचार र गरीबी बढ्ने बताए ।
न्यायालयले जनताका आवाज सुन्नुपर्ने धारणा राख्दै उनले राजनीतिक दलका नेतालाई स्वार्थभन्दा माथि उठेर देश विकासमा लाग्नुपर्ने बताए।
कार्यक्रममा कांग्रेसका केन्द्रीय सदस्य डा मीनेन्द्र रिजालले संविधान र लोकतन्त्र रक्षाका लागि प्रतिनिधिसभा विघटनविरुच संघर्ष गर्नुपर्ने बताए । कांग्रेसका केन्द्रीय सदस्यद्वय गुरुराज घिमिरे र डा डिला सङ्ग्रौलाले राजनीति विधि र पद्धतिअनुसार चल्नुपर्ने बताए ।
