संसद विघटनविरुद्धका रिटमाथि आजदेखि सर्वोच्चको संवैधानिक इजलासमा सुनुवाई हुँदै
काठमाडौं । प्रतिनिधिसभा विघटनविरुद्ध परेका सबै रिटहरुको आज सर्वोच्च अदालतको संवैधानिक इजलासमा सुनुवाई हुँदैछ । गत बुधबार प्रधानन्यायाधीश चोलेन्द्र शमसेर जबराको एकल इजलासले सबै रिटहरु संवैधानिक इजलासमा पठाउन आदेश दिएको थियो ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले यही पुस ५ गते संसद विघटन गर्दै आगामी वैशाख १७ र २७ गते दुई चरणमा निर्वाचन मिति घोषणा गरेकी थिइन् । संविधानको व्यवस्थाविपरीत संसद विघटन गरिएको भन्दै सर्वोच्च अदालतमा राष्ट्रपति र प्रधानमन्त्रीविरुद्ध १३ वटा रिट दायर भएका छन् ।