कोरोना संक्रमणबाट काठमाडौंमा कांग्रेस नेताको निधन
काठमाडौ । कोरोना संक्रमणबाट काठमाडौँमा कांग्रेस नेताको मृत्यु भएको छ । कोरोना संक्रमणबाट कांग्रेस नेता गोविन्द रञ्जितको मृत्यु भएको हो । उनी २०७४ सालमा भएको स्थानीय तहको चुनावमा कांग्रेसका तर्फबाट वडा अध्यक्षको प्रत्यासी थिए । संक्रमणका कारण उनको केही दिनदेखि अवस्था चिन्ताजनक थियो ।
वि.सं. २०३६ सालदेखि विद्यार्थी आन्दोलनबाट राजनीतिक जीवन यात्रा प्रारम्भ गरेका रञ्जितले पार्टी संगठन र नेपालको लोकतान्त्रिक आन्दोलनहरुमा सक्रिय भूमिका निर्वाह गर्नु भएको कांग्रेसले जनाएको छ ।
उनको निधनप्रति नेपाली कांग्रेसका सभापति शेरबहादुर देउवाले गहिरो दुःख व्यक्त गरेका छन् । सभापति देउवाले उनमा भावपूर्ण श्रद्धाञ्जली अर्पण गर्दै आत्माको चिर शान्तिको कामनाका साथ शोक सन्तप्त परिवारजनमा नेपाली कांग्रेस र आफ्नो व्यक्तिगत तर्फबाट हार्दिक समवेदना प्रकट गरेका छन् ।
