सुनसान सिंहदरबार, फोटोमा हेर्नुस्
काठमाडौं । सधैं व्यस्त र भिडभाड रहने देशकै प्रमुख प्रशासनिक निकाय सिंहदरबार समेत निषेधाज्ञाका कारण यतिबेला सुनसान छ ।
कोरोना संक्रमित बढ्दै गएपछि उपत्यकामा लगाएको निषेधाज्ञाका कारण सिंहदरबार सुनसान बनेको हो । सिंहदरबारमा सेवाग्राहीलाई प्रवेश निषेध गरिएको छ भने मन्त्रालयभित्रकै सवारीमात्र सीमित रुपमा प्रवेश गर्न दिइएको छ । कोरोनाका जोखिमका कारण सिंहदरबारमा अन्य गतिविधि पनि बन्द गरिएको छ ।
पछिल्लो समय काठमाडौँ उपत्यकामा कोरोना संक्रमितको संख्या तीब्र गतिमा बढेको छ । कोरोनाको जोखिमलाई मध्यनजर गर्दै उपत्यकाका तीन वटै जिल्ला प्रशासन कार्यालयले गत बुधबार राति १२ बजेदेखि लागू हुने गरी निषेधाज्ञा जारी गरेका हुन् । निषेधाज्ञा भदौ १० सम्म कायम रहने छ ।