पूर्वराजाद्वारा राष्ट्रकविको निधनप्रति दुःख व्यक्त
काठमाडौं । पूर्वराजा ज्ञानेन्द्र शाहले राष्ट्रकवि माधवप्रसाद घिमिरेको निधनप्रति दुःख व्यक्त गरेका छन् । बुधबार विज्ञप्ति जारी गरी पूर्वराजा शाहले निरन्तर साधनारत उत्कृष्ट साहित्यिक व्यक्तित्वको निधनले आफू दुखित भएको उल्लेख रहेका हुन् ।
पूर्वराजाको विज्ञप्तिमा भनिएको छ, ‘देशभक्ति र प्रकृति प्रेममा आधारित उहाँका अनेकौं काब्य कृति सदापठनिय र मननीय छन् भन्ने कुरा दर्शाइबक्सदै मौसूफबाट उहाँको निधनले नेपाली वाङमय र साहित्यको क्षेत्रमा अपूरणीय क्षति भएको कुरा व्यक्त गरिबक्सकेको छ । साथै, मौसफूबाट दिवङ्गत आत्माको चिर शान्तिको कामना गरिबक्सदै शोक सन्तप्त परिवारजनप्रति हार्दिक समवेदना प्रकट गरिबक्सेको छ ।’ राष्ट्रकवि घिमिरेले १०१ वर्षको उमेरमा मंगलबार साँझ निधन भएको थियो ।