३० जिल्लाका बाढीपहिरो पीडितलाई कांग्रेसको ४५ लाख सहयोग
काठमाडौं । नेपाली कांग्रेसले बाढी पहिरोमा उद्धार र राहतका लागि ३० जिल्लामा ४५ लाख रुपैयाँ पठाएको जनाएको छ । मंगलबार विज्ञप्ति जारी गरी प्रत्येक जिल्लामा एक लाख ५० हजार रुपैयाँका दरले ३० जिल्लाका कांग्रेस कार्यसमितिलाई रकम पठाएको जनाएको हो ।
कांग्रेसले लमजुङ, सिरहा, गुल्मी, नुवाकोट, स्याङ्जा, बाग्लुङ, म्याग्दी, पाल्पा, ताप्लेजुङ, ओखलढुंगा, संखुवासभा, पर्वत, सिन्धुपाल्चोक, महोत्तरी र पर्सा जिल्लामा रकम पठाएको छ । त्यस्तै धादिङ, पाँचथर, तेह्रथुम, मकवानपुर, बारा, सर्लाही, काभ्रे, रसुवा, धनुषा, सिन्धुली, बझाङ, जाजरकोट, खोटाङ, बाजुरा र कास्कीलाई पनि रकम पठाएको कांग्रेसले जनाएको छ ।