बागलुङको निसीखोलामा पहिरोमा पुरिएर तीन जनाको मृत्यु
बागलुङ । बागलुङको निसीखोला गाउँपालिकाका विभिन्न ठाउँमा गएराति गएको पहिरोमा परी तीन जनाको मृत्यु भएको छ । मृत्यु हुनेमा वडा नम्बर ५ का १४ वर्षीय वीरेन्द्र विक, ६ वर्षीय प्रवेश विक र वडा नम्बर ३ की ६० वर्षीया बली विक छन् ।
घरमाथिबाट खसेको पहिरोमा पुरिएका तीनै जनालाई मृतावस्थामा फेला पारिएको इलाका प्रहरी कार्यालय बुर्तिबाङका प्रहरी निरीक्षक प्रकाशसिंह भण्डारीले जानकारी दिए ।