कपिलवस्तुमा कृषकहरुलाई दुध बोक्ने क्यान बितरण
कपिलवस्तुको शिवराज नगरपालिकाले नगरका ६५ जना पशुपालक कृषकलाई दुध बोक्ने क्यान बितरण गरेको छ । पशु शाखा प्रङगणमा भएको कार्यक्रममा कृषकहरुलाई क्यान बितरण गरिएको हो ।
कृषकलाई पशुपालनमा अभिप्रेरित गर्नको लागि नगरपालिकाले क्यान बितरण गरेको नगरप्रमुख नेत्रराज अधिकारीले बताउनुभयो । व्यावसायिक रुपमा पशुपालन गरेका कृषकलाई हौसला स्वरुपमा क्यान बितरण गरेको भन्दै अधिकारीले दुध विक्रिवाट राम्रो आम्दानी हुन्छ,नगरपालिका किसानहरु नजिक भएर काम गर्न तयार रहेको उल्लेख गर्नुभयो ,
नगरका पशुपालक कृषकहरुलाई दुध बजार सम्म पुरयाउन सहज हास भन्ने उद्देश्यले निशुल्क क्यान वितरण गरेको पशु शाखाका राम प्रसाद अधिकारीले बताउनुभयो ।
बिनियोजन गरेको रु १ लाख ५० हजार रकममा उक्त क्यान खरिद गरि वितरण गरेको बताइएको छ ।
