भुसको आगोझैं देशभर सल्कियो सरकारविरुद्ध युवाहरुको प्रदर्शन
काठमाडौँ । कोरोना नियन्त्रणमा सरकारले लिएको नीति असफल भएको भन्दै गत मंगलबारदेखि काठमाडौंबाट सुरु भएको प्रदर्शनले शुक्रबारसम्म आइपुग्दा देशव्यापी बनेको छ । शुक्रबार काठमाडौंको साथै भक्तपुर, काभ्रेको धुलिखेल, बुटवल, दाङ विराटनगर, तनहुँको दमौली, पोखरा, जनकपुर लगायतका क्षेत्रका प्रदर्शन भएका छन् । उनीहरुले कोरोना रोकथाम र परीक्षणमा ढिलासुस्ती गरेको, सरकारी खर्च पारदर्शी नभएको भन्दै त्यसको हिसाव सार्वजनिक गर्न माग गरेका छन् ।
फोटोः तनहुँको दमौली खबर दैनिक र दाङबाट रोशनमान श्रेष्ठको फेसबुकबाट र काठमाडौंबाट एलएल