सरकारविरुद्ध बालुवाटार क्षेत्रमा प्रदर्शन, प्रदर्शनकारीमाथि अश्रुग्याँस प्रहार
काठमाडौं । कोरोना रोकथाम तथा नियन्त्रणमा सरकारले गरेको काम चित्तबुझ्दो नभएको भन्दै प्रधानमन्त्री निवास बालुवाटार क्षेत्रमा धर्ना दिन पुगेकाहरुमाथि प्रहरीले पानीको फोहोरा र अश्रुग्याँस प्रहार गरेको छ ।
उनीहरुलाई प्रहरीले पानीको फोहोरा र अश्रुग्याँससमेत प्रहार गरेको हो । मंगलबार र बुधबार भएका प्रदर्शनमा प्रहरीले पानीको फोहोरा मात्रै हानेको थियो ।
तर बिहीबारको प्रदर्शनमा प्रहरीले अश्रुग्याँससमेत प्रहार गरेको थियो । कोरोना संक्रमणले स्थिति भयावह बन्दै जाँदा पनि सरकार सुतेको आरोप लगाउँदै सामाजिक सञ्जालबाट जुटेका युवाहरु बालुवाटारमा धर्ना दिन पुगेका थिए । उनीहरुले सरकार ब्यूँझाउन भन्दै शान्तिपूर्ण धर्नाका लागि आह्वान गरेका थिए । उनीहरुले पीसआर परीक्षण बढाउनुपर्ने, कोरोना नियन्त्रण तथा रोकथाममा भएको खर्च विवरण सार्वजनिक गर्नुपर्ने माग गर्दै आएका छन् ।
Amateur javelin throw. pic.twitter.com/UgPGN9QO2t
— Bipin Thapa (@bipin977) June 11, 2020