पसल खोल्न पाइने, निजी सवारी जोरबिजोरका आधारमा संचालन गर्न दिने सरकारको निर्णय
काठमाडौँ । लामो लकडाउनपछि सरकारले अब पसल खोल्न दिने भएको छ । बुधबार बसेको मन्त्रिपरिषद बैठकले यस्तो निर्णय गरेको हो । त्यस्तै बैठकले सवारी साधनलाई पनि जोर बिजोरका आधारमा संचालन गर्न दिने निर्णय गरेको छ । एक मन्त्रीका अनुसार बिहीबारदेखि नै बजार खोल्न दिने निर्णय भएको हो ।
मन्त्रिपरिषद्को बैठकले जनजीवन सहज पार्नका लागि पसल खोल्न दिने र सवारी साधन संचालनमा पनि खुकुलो पार्ने निर्णय गरेको हो । सरकारको निर्णयसँगै अब ट्याक्सी, मोटरसाइकल लगायतका निजी सवारी साधन जोर बिजोरका आधारमा संचालन गर्न पाइनेछ । बैठकका निर्णय र लकडाउन खुकुलो पार्ने मोडालिटी बिहीबार मात्रै सार्वजनिक गर्ने बताइएको छ ।
