लकडाउन वैशाख १५ गतेसम्म बढाउने सरकारको निर्णय
काठमाडौँ । सरकारले लकडाउन वैशाख १५ गतेसम्म बढाउने निर्णय गरेको छ । मन्त्रिपरिषद्को मंगलबार बसेको बैठकले यस्तो निर्णय गरेको हो । कोरोना संक्रमण रोक्नका लागि चैत ११ बाट थालिएको लकडाउन तेस्रो पटक बढाउने सरकारले निर्णय गरेको हो ।
एक साताका लागि घोषणा गरिएको लकडाउन संक्रमणहरु भेटिएपछि बढाएर सरकारले संक्रमण देखिदै गएपछि बढाउँदै लगेको हो ।
काठमाडौँको पेप्सीकोलास्थित सनसिटी अपार्टमेन्टमा दुई जनामा मंगलबार कोरोना संक्रमण देखिएको थियो भने सोमबार कैलाली र रौतहटमा एक एक जनामा कोरोना संक्रमण देखिएको थियो । यो सहित नेपालमा हालसम्म १६ जनामा कोरोना संक्रमण देखिएको छ ।मंगलबार नै छिमेकी भारतले लकडाउन १९ दिनका लागि बढाउने घोषणा गरेको थियो ।