सचिवालय बैठक राख्न नारायणकाजीको माग
काठमाडौं । सत्तारुढ नेकपाका प्रवक्ता नारायणकाजी श्रेष्ठले सचिवालय बैठक राख्न अध्यक्ष प्रचण्ड र केपी शर्मा ओलीसँग माग गरेका छन् । शनिबार बिहान ट्वीट गर्दै प्रवक्ता श्रेष्ठले औषधि खरिदको विषयलाई लिएर सरकार र पार्टीको सर्वत्र आलोचना भएपछि उनले सचिवालय बैठक राख्न अध्यक्षद्वयलाई आग्रह गरेका हुन् ।
उनले भनेका छन्,हो,मैले पार्टी सचिवालयको बैठक बस्न माग गरेको छु।दुवै अध्यक्ष कमरेडहरुलाई अनुरोध गरेकोछु।
आवश्यकता पर्दा मन्त्रीपरिषद र उच्चस्तरीय समन्वय समितिको बैठक बसेको छ।आजको सदर्भमा स्वास्थ्य प्रोटोकलको पालना गर्दै सचिवालयको बैठक पनि बस्न सक्छ।त्यसैले शिघ्र बैठक बस्ने बिश्वास छ,बस्नै पर्छ।’
