‘हिजोसम्म कन्दनी सुर्काउँदै सबै ठिक छ, तलमाथि भएको छैन भन्ने उहाँ के भन्नुहुन्छ त अब ?’
काठमाडौं । सत्तारुढ नेकपाकी नेतृ रामकुमारी झाँक्रीले स्वास्थ्य तथा जनसंख्यामन्त्री भानुभक्त ढकालमाथि नैतिकताको प्रश्न उठाएकी छिन् । स्वास्थ्य सामग्री खरिदमा अनियमितता भएको विषयलाई लिएर झाँक्रीले स्वास्थ्यमन्त्रीमाथि नैतिक प्रश्न उठाएकी छन् ।
ट्वीटमा उनले प्रश्न गरेकी छन्, ‘हिजोसम्म कन्दनी सुर्काउँदै सबै ठिक छ, राम्रो छ, तलमाथि भएको छैन, टेबलमा बसेर कुरा गर्न तयार छु भन्ने उहाँ के भन्नुहुन्छ त अब ?’
उनले भनेकी छन्, ‘मेहनत बिनाको कमाई खाने बिचौलिया,नीतिगत निर्णयको आदेश गर्ने नेतृत्वहरू बच्ने र प्रक्रियाको कागजमा दस्तखत गर्नेहरू नै भ्रष्टचारमा जाकिएका छन् आजसम्म ।’ औषधि खरिदको ठेक्काको विषयलाई लिएर सर्वत्र विरोध भएपछि बुधबार स्वास्थ्य सेवा विभागले ठेक्का रद्द गरेको थियो ।