नेपालमा अर्का एक व्यक्तिमा कोरोना भाइरसको संक्रमण
काठमाडौँ । नेपालमा कोरोना भाइरसको अर्का एक जना संक्रमित फेला परेका छन् । यससँगै कोरोना संक्रमितको संख्या तीन पुगेको छ । बुधबार अर्का एक व्यक्तिमा कोरोना भाइरस पोजेटिभ भेटिएको इपिडिमियोलोजी तथा रोग नियन्त्रण महाशाखाले जनाएको छ ।
राष्ट्रिय जनस्वास्थ्य प्रयोगशालामा अहिलेसम्म ६८७ जनाको नमुना परीक्षण गरिएकोमा ६८४ को रिपोर्ट नेगेटिभ आएको छ।
केही समयअघि चीनबाट आएका एक विद्यार्थीमा कोरोना संक्रमण देखिएको थियो।
उनी अहिले उपचारपछि निको भइसकेका छन्। चैत ४ गते फ्रान्सबाट कतारको दोहा हुँदै नेपाल आएकी १९ वर्षीया युवतीमा संक्रमण देखिएको थियो।
