६७ हजारको चेक कीर्ते गरी २० लाख रुपैयाँ निकाल्ने एक जना पक्राउ
काठमाडौं । चेक कीर्ते गरी बैंकबाट २० लाख रुपैयाँ निकाल्ने सन्तोष घिमिरेलाई प्रहरीले पक्राउ गरेको छ । महानगरीय प्रहरी परिसर काठमाडौंले बिहीबार पत्रकार सम्मेलन गरी ताहाचल सामुदायीक आवास व्यवस्थापन समाजका कार्यालय सचिव घिमिरेलाई चेक कीर्ते गरेको आरोपमा पक्राउ गरी सार्वजनिक गरेको हो ।
घिमिरे भोजपुर षडानन्द गाउँपालिका घर भई काठाडौको दक्षिणकाली नगरपालिका वडा नम्बर ६ मा बस्दै आएका थिए । घिमिरेले कार्यालय प्रयोजनका लागि सिद्धार्थ बैंक कुलेश्वर शाखाबाट जारी भएको ६७ हजार ९ सय १६ रुपैयाँको चेकलाई कीर्ते गरी २० लाख ६७ हजार ९ सय १७ रुपैयाँ बनाई रकम निकालेको प्रहरी नायव उपरीक्षक होविन्द्र वोगटीले जानकारी दिए ।
