राष्ट्रपति भण्डारीका सल्लाहकार प्याकुरेलद्वारा पदबाट राजीनामा
काठमाडौं । राष्ट्रपति विद्यादेवी भण्डारीका विज्ञ सल्लाहकार सुशील प्याकुरेलले पदबाट राजीनामा दिएका छन् । शुक्रबार विज्ञप्ति जारी गरी प्याकुरेलले राजीनामा दिएको घोषणा गरेका हुन् ।
द्वन्द्वकालीन मुद्दामा मुछिएका अग्नि सापकोटालाई सभामुख उम्मेदवार बनाएकोमा उनले आपत्ति जनाएका थिए । मानवअधिकारका क्षेत्रमा क्रियाशील प्याकुरेललाई राजनीतिक, सामाजिक र मानव अधिकारसम्बन्धी सुझाब र सल्लाह दिनेगरी २०७४ चैत ९ गते विज्ञ पदमा नियुक्त गरिएको थियो ।