काम नगर्ने ठेकेदारविरुद्ध चरिकोटबासीको आक्रोस, फोटोमा हेर्नुस्
काठमाडौं । नगरकोट सडक कालोपत्रे नगर्ने ठेकेदार शारदाप्रसाद अधिकारीको फोटो बिजुलीका पोलपोलमा र सवारी साधनमा टाँसेर ठेकेदार थर्काउने नयाँ शैली अन्यत्र पनि सुरु भएको छ ।
यस्तै काम नगर्ने ठेकेदारको फोटो टाँसेर विरोध गर्ने शैली दोलखा चरिकोटका बासिन्दाले पनि सुरू गरेका छन् । सिन्धुपाल्चोकको खाडीचौर चरिकोटमा चल्ने गाडी, पोल र चोकमा ठेकेदार दीपक सापकोटाको फोटो टाँसेर शनिबार स्थानीय बासिन्दाले विरोध गरेका हुन् ।
सिन्धुपाल्चोक खाडीचौर मुडे २५ किलोमिटर र मुडे चरिकोट ३० किलोमिटर सडक बेग्लाबेग्लै ठेक्का निकालेर सडक निर्माणको जिम्मेवारी दिइएको थियो ।
पहिलो प्याकेज खाडीचौर मुडे सडक भारतीय कम्पनी सीमाञ्चलसहित नेपाली कम्पनी गौरा पार्वती र सुनौला खिम्तीले संयुक्त रूपमा ठेक्का पाएको भएपनि समयमै काम पूरा गरेका छैनन् । जसका कारण सवारी आवागमनमा समस्या हुँदै आएको छ ।
फोटोः सुवास बस्नेत र भीमसेन थापाको फेसबुकबाट
