गृह मन्त्रालयले भन्यो-पीसीआर परीक्षण होइन, होम क्वारेन्टाइन
काठमाडौं । गृह मन्त्रालयले काठमाडौं उपत्यका भित्रिएकाहरुलाई १४ दिन होम क्वारेन्टिनमा राख्न तीन वटै जिल्लाका प्रमुख जिल्ला अधिकारीलाई परिपत्र गरेको छ ।
पछिल्लो समय घरधनीले पीसीआर विधिबाट कोरोना संक्रमण परीक्षण नगरी घरमा प्रवेश गर्न नदिने गरेको भन्दै शुक्रराज ट्रपिकल तथा सरुवा रोग अस्पतालमा दैनिक ठूलो संख्यामा भीड लाग्न थालेपछि गृह मन्त्रालयले यस्तो परिपत्र जारी गरेको हो । मन्त्रालयले लक्षण नेदेखिई पीसीआर परीक्षणका लागि नजान र घरधनीहरुलाई दवाव नदिन आग्रह गरेको छ ।