प्रदेश दुईकी भौतिक पूर्वाधार विकास राज्यमन्त्री डिम्पल झाले दिइन् राजीनामा
जनकपुरधाम । प्रदेश दुईकी भौतिक पूर्वाधार विकास राज्यमन्त्री डिम्पल झाले राजीनामा दिएकी छन् । राजपाकातर्फबाट राज्यमन्त्री बनेकी झा संसदीय दलका नेता तथा भौतिक पूर्वाधार विकास मन्त्री जितेन्द्र सोनललाई राजीनामा पत्र बुझाएकी हुन् ।
प्रदेश सरकारमा राज्यमन्त्रीको हैसियत जोगाउन लामो समयदेखिको प्रयासका बाबजुद स्थिति अनुकुल हुने अवस्था नरहेकाले पदबाट राजीनामा दिएको झाले पत्रमा उल्लेख गरेकी छन् । प्रदेश सभामा समानुपातिकबाट चयन भएकी झा राष्ट्रिय जनता पार्टी अध्यक्ष मण्डलका सदस्य अनिल झाकी श्रीमती हुन् ।
