अमेरिकी राष्ट्रपतिको खातालाई ट्विटरद्वारा स्थायी रूपमै निलम्बन



अमेरिकी राष्ट्रपति डोनल्ड ट्रम्पको ट्विटर खाता स्थायी रूपमा निलम्बित भएको छ । सामाजिक सञ्जालसम्बन्धी उक्त कम्पनीले हिंसा थप उक्साउने खतरा रहेको भन्दै उनको खाता निलम्बन गरेको हो ।

ट्विटरले डोनल्ड ट्रम्पको खाताबाट हालै गरिएका ट्वीटको समीक्षापछि उक्त निर्णय लिइएको जनाएको छ । केही सांसद र चर्चित व्यक्तिहरूले ट्रम्पको खातामाथि प्रतिबन्ध लगाउन वर्षौंदेखि माग गर्दै आएका थिए ।

बिहीवार पूर्व राष्ट्रपति बराक ओबामाकी श्रीमती मिसेल ओबामाले ट्विटरले ट्रम्पको राक्षसी व्यवहार माथि रोक लगाउनुपर्ने र उनलाई स्थायी रूपमा निष्कासित गर्नुपर्ने बताएकी थिइन् ।

ट्रम्पमाथिको प्रतिबन्धमा प्रतिक्रिया जनाउँदै सन् २०२० को चुनावी अभियानका सल्लाहकार जसोन मिलरले ट्वीट गरेका छन्, ‘घिनलाग्दो… यदि फेरि यिनीहरू आउँदैनन् भन्ने लाग्छ भने, तपाईँ गलत हुनुहुन्छ।’ ट्रम्पले क्यापिटल हिलमा हमला गर्नेलाई देशभक्त भनेपछि उनको खाता बुधवार १२ घन्टाका लागि अवरुद्ध गरिएको थियो ।

अमेरिकी संसद्ले राष्ट्रपतीय चुनावमा जो बाइडनको जितलाई औपचारिकता प्रदान गर्न प्रयास गर्दा ट्रम्पका सयौँ समर्थकहरू क्यापिटल भवनमा प्रवेश गरेका थिए । हिंसा भड्किँदा चारजना सर्वसाधारण र एक प्रहरी अधिकारीले ज्यान समेत गुमाएका थिए ।

ट्विटरले यदि ट्रम्पले ट्विटरका नियमहरू पुनः उल्लङ्घन गरे उनीमाथि स्थायी प्रतिबन्ध लगाउने भन्दै चेतावनी दिएको थियो । तर पुनः ट्विटरमा पहुँच अनुमति दिइएपछि शुक्रवार ट्रम्पले दुईवटा ट्वीट गरे र तिनै ट्वीटलाई कम्पनीले बन्द गर्ने अन्तिम कारण भएको बताएको छ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नाइजेरियामा बन्दुकधारी समूहद्वारा सात गाउँलेको हत्या

अफ्रिकी मुलुक नाइजेरियाको उत्तरी राज्य कडुनाको गाउँमा बन्दुकधारीले आक्रमण गरी सात जना गाउँलेको

अमेरिकाले मङ्गलबारसम्म जोन्सन एन्ड जोन्सनको ४० लाख डोज खोप वितरण गर्ने

अमेरिकाले जोन्सन एन्ड जोन्सन कम्पनीद्वारा विकास गरिएको कोभिड–१९ विरुद्धको ४० लाख डोज खोप

ट्रम्पले नयाँ दल नखोल्ने, राष्ट्रपतिको उम्मेदवार बन्न सक्ने

अमेरिकाका पूर्वराष्ट्रपति डोनल्ड ट्रम्पले आफू सन् २०२४ मा हुने राष्ट्रपतीय चुनावमा आफ्नै पार्टीबाट

म्यान्मारमा सैनिक कू पछि पहिलो पटक देखिइन् सूकी

म्यान्मारमा सैनिक कू भएको एक महिनापछि पहिलो पटक नेत्री आङ सान सूकी देखिएकी