पार्टीभित्र अन्तरघात नभएको भए ४ सय स्थानीय तहा जित्थ्यौंः प्रवक्ता महत



काठमाडौं । नेपाली कांग्रेसले स्थानीय निर्वाचनमा सत्ता गठबन्धन सफल भएको जनाएको छ। सोमबार पार्टी केन्द्रीय कार्यालय सानेपामा आयोजित पत्रकार सम्मेलनमा पार्टी प्रवक्ता डा. प्रकाशशरण महतले निर्वाचनमा सत्ता गठबन्धन सफल भएको दाबी गरेका हुन् ।

उनले ७५३ मध्ये ३२० तहमा कांग्रेसले जितिसकेको उल्लेख गर्दै यसलाई सन्तोषजनक रुपमा लिनुपर्ने बताए । उनले पार्टीभित्रै अन्तरघात भएको विषयलाई भने पार्टीले समीक्षा गर्ने बताए ।

अन्तरघात नभएको भए कांग्रेसले चार सय स्थानीय तहमा जित्ने दाबी गरे । उनले भने,‘निर्वाचनको परिणामले गठबन्धनको अगाडिको मार्गचित्र समेत प्रस्ट गरेको छ । यो परिणामबाट कांग्रेसको नेतृत्व सन्तुष्ट छ । गठबन्धनका शीर्ष नेताहरू समेत सन्तुष्ट हुनुहुन्छ ।’

उनले नेकपा एमालेले चुनावमा धाँधली भएको आरोप लगाएको भन्दै अहिलेसम्म कांग्रेसको नेतृत्वमा मात्रै धाँधलीरहित र शान्तिपूर्णरुपमा चुनाव हुँदै आएको दाबी गरेका छन्।

प्रवक्ता महतले धरानमा स्वतन्त्र उम्मेदवार जितेको र काठमाडौंमा बालेन साहको अग्रताको विषयलाई पार्टीले ‘नोटिस’मा राखेको बताए। उनले भने,‘धरानमा किशोर राई पनि सामाजिक सेवामा लागेका चर्चित व्यक्ति हुन्। त्यहाँ खराब उम्मेदवार दिएको त होइन । तर कहिलेकाही विभिन्न हावा चल्छ । यो अपवाद हो। काठमाडौं पनि यस्तै हो। यसलाई पार्टीले नोटिसमा लिएको छ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बागमतीमा ४ दलबीच ५ बुँदे सहमति, हानेपाबाट बज्राचार्य बने मन्त्री

हेटौंडा । बागमती प्रदेशका नवनियुक्त मन्त्री शैलेन्द्रमान बज्राचार्यले पद तथा गोपनियताको शपथ लिएका

यस्ता छन् मन्त्रिपरिषद बैठकका निर्णय

काठमाडौं । सरकारले नेपाल पर्यटन बोर्डको कार्यकारी समितिमा तीन सदस्य नियुक्त गरेको छ

इलाम-२ मा मिलन लिम्बूलाई उम्मेदवार बनाउने रास्वपाको निर्णय

काठमाडौं । राष्ट्रिय स्वतन्त्र पार्टीले इलाम क्षेत्र नम्बर २ को उपनिर्वाचनका लागि मिलन

अख्तियारद्वारा एमडीएमएस खरिद प्रकरणमा १९ जनाविरुद्ध मुद्दा दर्ता

काठमाडौं । मोबाइल डिभाइस म्यानेजमेण्ट सिस्टम (एमडीएमएस) खरिदमा अनियमितता गरेको अभियोगमा अख्तियार दुरुपयोग