पार्टीको महाधिवेशन मंसिर २४ देखि २६ सम्म गर्ने कांग्रेसको निर्णय
काठमाडौं । नेपाली कांग्रेसको महाधिवेशन मंसिर २४ गतेदेखि २६ गतेसम्म काठमाडौंमा हुने भएको छ । निर्वाचन समितिले बिहीबार नयाँ कार्यतालिका सार्वजनिक गर्दै महाधिवेशन मंसिर २४ देखि २६ गतेसम्म हुने जानकारी दिएको हो ।
नयाँ कार्यतालिकाअनुसार १२ वटा जिल्लामा कात्तिक २७ गते वडा अधिवेशन हुनेछ भने ३० गते पालिकास्तरीय अधिवेशन हुनेछ । प्रदेश सभा क्षेत्रीय अधिवेशन मंसिर ३ र प्रतिनिधिसभा क्षेत्रको मंसिर ६ गतेका लागि मिति तय गरिएको छ ।
त्यसैगरी जिल्ला अधिवेशन मंसिर १० गतेका लागि तय गरिएको छ । प्रदेश अधिवेशन मंसिर १६ र १७ गतेका लागि तय गरिएको छ भने केन्द्रीय महाधिवेशन मंसिर २४ देखि २६ गतेसम्म तय गरिएको छ ।
