प्रदेश २ मा एमालेका १० सांसदले रोजे एकीकृत समाजवादी
जनकपुरधाम । प्रदेश दुईमा नेकपा एमालेका १० जना सांसदले नेकपा (एकीकृत समाजवादी) रोजेका छन् । बिहीबार प्रदेश निर्वाचन कार्यालय जनकपुरमा एमालेका १० सांसदले एकीकृत समाजवादीमा सनाखत गराएका हुन् ।
निर्वाचन कार्यालयमा उपस्थित भएर गोविन्दबहादुर न्यौपाने, प्रमोद यादव, अशोक यादव, मदन जैन श्रीवास्तव, शत्रुधन महतो, मञ्जु यादव, बेची लुंगेली, रवीन्द्र बैठा, खुसीमा खातुन र नागेन्द्र यादवले सनाखत गरेका हुन् ।
एमालेबाट १३ जना समाजवादी रोजे पनि सांसद दिल्ली उप्रेती उपचारका लागि भारतको दिल्लमा छन् । उनले दूतावासबाट सनाखतको प्रक्रियामा रहेको बताइएको छ । त्यस्तै, प्रदेश सांसद सुन्दर विश्वकर्मा र सीता गुरुङ मौसम खराब हुँदा जनकपुर आउन नसकेको प्रदेश सांसद शत्रुधन महतोले बताए ।
